Artikolu 70 📖 RĠPD (GDPR). Kompiti tal-Bord | GDPR-Text.com

KAPITOLU I Dispożizzjonijiet ġenerali (1-4)

Artikolu 1. Suġġett u objettivi Artikolu 2. Kamp ta' applikazzjoni materjali Artikolu 3. Kamp ta' applikazzjoni territorjali Artikolu 4. Definizzjonijiet

KAPITOLU II Prinċipji (5-11)

Artikolu 5. Prinċipji relatati mal-ipproċessar ta' data personali Artikolu 6. Legalità tal-ipproċessar Artikolu 7. Kondizzjonijiet għal kunsens Artikolu 8. Kondizzjonijiet applikabbli għall-kunsens ta' minorenni fir-rigward tas-servizzi tas-soċjetà tal-informazzjoni Artikolu 9. Ipproċessar ta' kategoriji speċjali ta' data personali Artikolu 10. Ipproċessar ta' data personali relatata ma' kundanni kriminali u reati Artikolu 11. Ipproċessar li ma jeħtieġx identifikazzjoni

KAPITOLU III Drittijiet tas-suġġett tad-data (12-23)

Artikolu 12. Informazzjoni, komunikazzjoni u modalitajiet trasparenti għall-eżerċizzju tad-drittijiet tas-suġġett tad-data Artikolu 13. Informazzjoni li għandha tiġi pprovduta fejn tinġabar data personali mis-suġġett tad-data Artikolu 14. Informazzjoni li għandha tiġi pprovduta fejn id-data personali ma tkunx inkisbet mis-suġġett tad-data Artikolu 15. Dritt ta' aċċess mis-suġġett tad-data Artikolu 16. Dritt għar-rettifika Artikolu 17. Dritt għal tħassir (“dritt li wieħed jintesa”)Artikolu 18. Dritt għal restrizzjoni tal-ipproċessar Artikolu 19. Obbligu ta' notifika rigward rettifika jew tħassir ta' data personali jew restrizzjoni tal-ipproċessar Artikolu 20. Dritt għall-portabbiltà tad-data Artikolu 21. Dritt ta' oġġezzjoni Artikolu 22. Teħid ta' deċiżjonijiet individwali awtomatizzati, inkluż tfassil ta' profili Artikolu 23. Restrizzjonijiet

KAPITOLU IV Kontrollur u proċessur (24-43)

Artikolu 24. Suġġett u objettivi Artikolu 25. Protezzjoni ta' data mid-disinn u b'mod awtomatiku Artikolu 26. Kontrolluri konġunti Artikolu 27. Rappreżentanti ta' kontrolluri jew proċessuri mhux stabbiliti fl-Unjoni Artikolu 28. Proċessur Artikolu 29. Ipproċessar taħt l-awtorità tal-kontrollur jew tal-proċessur Artikolu 30. Reġistru tal-attivitajiet ta' pproċessar Artikolu 31. Kooperazzjoni mal-awtorità superviżorja Artikolu 32. Sigurtà tal-ipproċessar Artikolu 33. Notifika ta' ksur ta' data personali lill-awtorità superviżorja Artikolu 34. Komunikazzjoni ta' ksur ta' data personali lis-suġġett tad-data Artikolu 35. Valutazzjoni tal-impatt fuq il-protezzjoni tad-data Artikolu 36. Konsultazzjoni minn qabel Artikolu 37. Ħatra tal-uffiċjal tal-protezzjoni tad-data Artikolu 38. Pożizzjoni tal-uffiċjal tal-protezzjoni tad-data Artikolu 39. Kompiti tal-uffiċjal tal-protezzjoni tad-data Artikolu 40. Kodiċijiet ta' kondotta Artikolu 41. Monitoraġġ ta' kodiċijiet ta' kondotta approvati Artikolu 42. Ċertifikazzjoni Artikolu 43. Korpi ta' ċertifikazzjoni

KAPITOLU V Trasferimenti ta' data personali lejn pajjiżi terzi jew organizzazzjonijiet internazzjonali (44-50)

Artikolu 44. Prinċipju ġenerali għal trasferimenti Artikolu 45. Trasferimenti abbażi ta' deċiżjoni ta' adegwatezza Artikolu 46. Trasferimenti soġġetti għal salvagwardji xierqa Artikolu 47. Regoli korporattivi vinkolanti Artikolu 48. Trasferimenti jew żvelar mhux awtorizzati mil-liġi tal-Unjoni Artikolu 49. Derogi għal sitwazzjonijiet speċifiċi Artikolu 50. Kooperazzjoni internazzjonali għall-protezzjoni ta' data personali

KAPITOLU VI Awtoritajiet superviżorji indipendenti (51-59)

Artikolu 51. Awtorità superviżorja Artikolu 52. Indipendenza Artikolu 53. Kondizzjonijiet ġenerali għall-membri tal-awtorità superviżorja Artikolu 54. Regoli dwar l-istabbiliment tal-awtorità superviżorja Artikolu 55. Kompetenza Artikolu 56. Kompetenza tal-awtorità superviżorja ewlenija Artikolu 57. Kompiti Artikolu 58. Setgħat Artikolu 59. Rapporti ta' attività

KAPITOLU VII Kooperazzjoni u konsistenza (60-70)

Artikolu 60. Kooperazzjoni bejn l-awtorità superviżorja ewlenija u l-awtoritajiet superviżorji kkonċernati oħra Artikolu 61. Assistenza reċiproka Artikolu 62. Operazzjonijiet konġunti ta' awtoritajiet superviżorji Artikolu 63. Mekkaniżmu ta' konsistenza Artikolu 64. Opinjoni tal-Bord Artikolu 65. Soluzzjoni għat-tilwim mill-Bord Artikolu 66. Proċedura ta' urġenza Artikolu 67. Skambju tal-informazzjoni Artikolu 68. Bord Ewropew għall-Protezzjoni tad-Data Artikolu 69. Indipendenza

Artikolu 70. Kompiti tal-Bord

Artikolu 71. Rapporti Artikolu 72. Proċedura Artikolu 73. President Artikolu 74. Kompiti tal-President Artikolu 75. Segretarjat Artikolu 76. Kunfidenzjalità

KAPITOLU VIII Rimedji, responsabbiltà u pieni (77-84)

Artikolu 77. Dritt li jitressaq ilment quddiem awtorità superviżorja Artikolu 78. Dritt għal rimedju ġudizzjarju effettiv kontra awtorità superviżorja Artikolu 79. Dritt għal rimedju ġudizzjarju effettiv kontra kontrollur jew proċessur Artikolu 80. Rappreżentanza ta' suġġetti tad-data Artikolu 81. Sospensjoni ta' proċedimenti Artikolu 82. Dritt għal kumpens u responsabbiltà Artikolu 83. Kondizzjonijiet ġenerali biex jiġu imposti multi amministrattivi Artikolu 84. Pieni

KAPITOLU IX Dispożizzjonijiet b'rabta ma' sitwazzjonijiet speċifiċi ta' pproċessar (85-91)

Artikolu 85. Ipproċessar u libertà ta' espressjoni u ta' informazzjoni Artikolu 86. Ipproċessar u aċċess pubbliku għal dokumenti uffiċjali Artikolu 87. Ipproċessar tan-numru tal-identifikazzjoni nazzjonali Artikolu 88. Ipproċessar fil-kuntest tal-impjiegi Artikolu 89. Salvagwardji u derogi relatati mal-ipproċessar għal finijiet ta' arkivjar fl-interess pubbliku, għal finijiet ta' riċerka xjentifika jew storika jew għal finijiet ta' statistika Artikolu 90. Obbligi ta' segretezza Artikolu 91. Regoli eżistenti dwar il-protezzjoni tad-data ta' knejjes u assoċjazzjonijiet reliġjużi

KAPITOLU X Atti delegati u atti ta' implimentazzjoni (92-93)

Artikolu 92. Eżerċizzju tad-delega Artikolu 93. Proċedura ta' kumitat

KAPITOLU XI Dispożizzjonijiet finali (94-95)

Artikolu 94. Tħassir tad-Direttiva 95/46/KE Artikolu 95. Relazzjoni mad-Direttiva 2002/58/KE Artikolu 96. Relazzjoni ma' Ftehimiet konklużi minn qabel Artikolu 97. Rapporti tal-Kummissjoni Artikolu 98. Rieżami ta' atti legali oħra tal-Unjoni dwar il-protezzjoni tad-data Artikolu 99. Dħul fis-seħħ u applikazzjoni

RĠPD (GDPR) > Artikolu 70. Kompiti tal-Bord

Artikolu 70 RĠPD (GDPR). Kompiti tal-Bord

1. Il-Bord għandu jiżgura l-applikazzjoni konsistenti ta’ dan ir-Regolament. Għal dak il-għan, il-Bord għandu b’mod partikolari, fuq inizjattiva tiegħu stess jew, fejn rilevanti, fuq talba tal-Kummissjoni:

(a) jimmonitorja u jiżgura l-applikazzjoni korretta ta’ dan ir-Regolament fil-każijiet previsti fl-Artikoli 64 u 65 mingħajr preġudizzju għall-kompiti ta’ awtoritajiet superviżorji nazzjonali;

Artikolu 64 RĠPD (GDPR). Opinjoni tal-Bord

Artikolu 65 RĠPD (GDPR). Soluzzjoni għat-tilwim mill-Bord

(b) jagħti parir lill-Kummissjoni dwar kwalunkwe kwistjoni relatata mal-protezzjoni tad-data personali fl-Unjoni, inkluż dwar kwalunkwe emenda proposta għal dan ir-Regolament;

(c) jagħti parir lill-Kummissjoni dwar il-format u l-proċeduri għall-iskambju ta’ informazzjoni bejn il-kontrolluri, il-proċessuri u l-awtoritajiet superviżorji għar-regoli korporattivi vinkolanti;

(d) joħroġ linji gwida, rakkomandazzjonijiet, u l-aħjar prattiki dwar proċeduri għat-tħassir ta’ links, kopji jew repliki ta’ data personali minn servizzi ta’ komunikazzjoni disponibbli għall-pubbliku kif imsemmi fl-Artikolu 17(2);

Artikolu 17 RĠPD (GDPR). Dritt għal tħassir (“dritt li wieħed jintesa”)

[…]

2. Fejn il-kontrollur ikun ippubblika d-data personali u jiġi obbligat skont il-paragrafu 1 li jħassar id-data personali, il-kontrollur, b’kont meħud tat-teknoloġija disponibbli u l-ispiża tal-implimentazzjoni, għandu jieħu passi raġonevoli, inklużi miżuri tekniċi, biex jinforma lill-kontrolluri li jkunu qegħdin jipproċessaw id-data personali, li s-suġġett tad-data talabhom iħassru kwalunkwe konnessjoni għal dik id-data personali, jew koppja jew replika tagħha.

[…]

(e) jeżamina, fuq inizjattiva tiegħu stess, fuq talba ta’ wieħed mill-membri tiegħu jew fuq talba tal-Kummissjoni, kwalunkwe kwistjoni li tkopri l-applikazzjoni ta’ dan ir-Regolament u joħroġ linji gwida, rakkomandazzjonijiet u l-aħjar prattiki sabiex jinkoraġġixxi l-applikazzjoni konsistenti ta’ dan ir-Regolament;

(f) joħroġ linji gwida, rakkomandazzjonijiet, u l-aħjar prattiki f’konformità mal-punt (e) ta’ dan il-paragrafu għall-ispeċifikar ulterjuri tal-kriterji u l-kondizzjonijiet għal deċiżjonijiet ibbażati fuq it-tfassil ta’ profili skont l-Artikolu 22(2);

Artikolu 22 RĠPD (GDPR). Teħid ta' deċiżjonijiet individwali awtomatizzati, inkluż tfassil ta' profili

[…]

2. Il-paragrafu 1 ma għandux japplika jekk id-deċiżjoni:

[…]

(a) tkun meħtieġa biex wieħed jidħol f’kuntratt, jew iwettaq kuntratt, bejn is-suġġett tad-data u kontrollur tad-data;

(b) tkun awtorizzata mil-liġi tal-Unjoni jew ta’ Stat Membru li għaliha jkun soġġett il-kontrollur u li tistabbilixxi wkoll miżuri adatti għas-salvagwardja tad-drittijiet u l-libertajiet u l-interessi leġittimi tas-suġġett tad-data; jew

(c) tkun ibbażata fuq il-kunsens espliċitu tas-suġġett tad-data.

(g) joħroġ linji gwida, rakkomandazzjonijiet u l-aħjar prattiki f’konformità mal-punt (e) ta’ dan il-paragrafu għall-istabbiliment tal-ksur tad-data personali u d-determinazzjoni tad-dewmien żejjed imsemmi fl-Artikolu 33(1) u (2) u għaċ-ċirkostanzi partikolari li fihom kontrollur jew proċessur ikun meħtieġ jinnotifika il-ksur ta’ data personali;

Artikolu 33 RĠPD (GDPR). Notifika ta' ksur ta' data personali lill-awtorità superviżorja

1. Fil-każ ta’ ksur ta’ data personali, il-kontrollur għandu mingħajr dewmien bla bżonn u, fejn fattibbli, mhux aktar tard minn 72 siegħa wara li jkun sar jaf bih, jinnotifika l-ksur tad-data personali lill-awtorità superviżorja kompetenti f’konformità mal-Artikolu 55 ħlief jekk il-ksur ta’ data personali x’aktarx ma jirriżultax f’riskju għad-drittijiet u l-libertajiet tal-persuni fiżiċi. Fejn in-notifika lill-awtorità superviżorja ma ssirx fi żmien 72 siegħa, hija għandha tkun akkumpanjata minn raġunijiet għad-dewmien.

2. Il-proċessur għandu jinnotifika lill-kontrollur mingħajr dewmien żejjed wara li jkun sar konxju ta’ ksur ta’ data personali.

[…]

(h) joħroġ linji gwida, rakkomandazzjonijiet u l-aħjar prattiki f’konformità mal-punt (e) ta’ dan il-paragrafu fir-rigward taċ-ċirkostanzi li fihom ksur tad-data personali x’aktarx li jirriżulta f’riskju għoli għad-drittijiet u l-libertajiet tal-persuni fiżiċi msemmija fl-Artikolu 34(1).

Artikolu 33 RĠPD (GDPR). Notifika ta' ksur ta' data personali lill-awtorità superviżorja

1. Fil-każ ta’ ksur ta’ data personali, il-kontrollur għandu mingħajr dewmien bla bżonn u, fejn fattibbli, mhux aktar tard minn 72 siegħa wara li jkun sar jaf bih, jinnotifika l-ksur tad-data personali lill-awtorità superviżorja kompetenti f’konformità mal-Artikolu 55 ħlief jekk il-ksur ta’ data personali x’aktarx ma jirriżultax f’riskju għad-drittijiet u l-libertajiet tal-persuni fiżiċi. Fejn in-notifika lill-awtorità superviżorja ma ssirx fi żmien 72 siegħa, hija għandha tkun akkumpanjata minn raġunijiet għad-dewmien.

2. Il-proċessur għandu jinnotifika lill-kontrollur mingħajr dewmien żejjed wara li jkun sar konxju ta’ ksur ta’ data personali.

(i) joħroġ linji gwida, rakkomandazzjonijiet u l-aħjar prattiki f’konformità mal-punt (e) ta’ dan il-paragrafu għall-fini tal-ispeċifikar ulterjuri tal-kriterji u r-rekwiżiti għat-trasferimenti ta’ data personali bbażati fuq regoli korporattivi vinkolanti osservati mill-kontrolluri u regoli korporattivi vinkolanti osservati mill-proċessuri u fuq rekwiżiti meħtieġa oħra biex tiġi żgurata l-protezzjoni tad-data personali tas-suġġetti tad-data kkonċernati msemmija fl-Artikolu 47;

Artikolu 47 RĠPD (GDPR). Regoli korporattivi vinkolanti

(j) joħroġ linji gwida, rakkomandazzjonijiet u l-aħjar prattiki f’konformità mal-punt (e) ta’ dan il-paragrafu għall-fini tal-ispeċifikar ulterjuri tal-kriterji u r-rekwiżiti għat-trasferimenti ta’ data personali abbażi tal-Artikolu 49(1);

Artikolu 49 RĠPD (GDPR). Derogi għal sitwazzjonijiet speċifiċi

1. Fin-nuqqas ta’ deċiżjoni dwar l-adegwatezza skont l-Artikolu 45(3), jew salvagwardji xierqa skont l-Artikolu 46, inklużi regoli korporattivi vinkolanti, trasferiment jew sett ta’ trasferimenti ta’ data personali lejn pajjiż terz jew organizzazzjoni internazzjonali għandu jseħħ biss b’waħda mill-kondizzjonijiet li ġejjin:

(a) is-suġġett tad-data jkun espliċitament ta kunsens għat-trasferiment propost, wara li jkun ġie informat bir-riskji possibbli ta’ tali trasferimenti għas-suġġett tad-data minħabba n-nuqqas ta’ deċiżjoni ta’ adegwatezza u salvagwardji xierqa;

(b) it-trasferiment ikun meħtieġ għat-twettiq ta’ kuntratt bejn is-suġġett tad-data u l-kontrollur jew l-implimentazzjoni ta’ miżuri ta’ qabel il-kuntratt meħuda fuq talba tas-suġġett tad-data;

(c) it-trasferiment ikun meħtieġ għall-konklużjoni jew it-twettiq ta’ kuntratt konkluż fl-interess tas-suġġett tad-data bejn il-kontrollur u persuna fiżika jew ġuridika oħra;

(d) it-trasferiment ikun meħtieġ għal raġunijiet importanti ta’ interess pubbliku;

(e) it-trasferiment ikun meħtieġ għall-istabbiliment, l-eżerċizzju jew id-difiża ta’ talbiet legali;

(g) it-trasferiment isir minn reġistru li skont il-liġi tal-Unjoni jew ta’ Stat Membru huwa maħsub biex jipprovdi informazzjoni lill-pubbliku u li huwa miftuħ għall-konsultazzjoni jew mill-pubbliku inġenerali inkella minn kwalunkwe persuna li tista’ turi interess leġittimu, iżda biss sa fejn jiġu sodisfatti fil-każ partikolari l-kondizzjonijiet stipulati mil-liġi tal-Unjoni jew ta’ Stat Membru għall-konsultazzjoni.

(f) it-trasferiment ikun meħtieġ sabiex jiġu protetti l-interessi vitali tas-suġġett tad-data jew ta’ persuni oħra, fejn is-suġġett tad-data ma jkunx fiżikament jew legalment kapaċi li jagħti l-kunsens;

Fejn trasferiment ma setgħax ikun ibbażat fuq dispożizzjoni fl-Artikoli 45 jew 46, inklużi d-dispożizzjonijiet dwar regoli korporattivi vinkolanti, u l-ebda waħda mid-derogi għal sitwazzjoni speċifika msemmija fl-ewwel subparagrafu ta’ dan il-paragrafu ma tkun applikabbli, it-trasferiment ma jkunx ripetittiv, jikkonċerna biss għadd limitat ta’ suġġetti tad-data, ikun meħtieġ għall-għanijiet ta’ interessi leġittimi konvinċenti mfittxija mill-kontrollur li ma jingħelbux mill-interessi jew id-drittijiet u l-libertajiet tas-suġġett tad-data, u l-kontrollur ikun ivvaluta ċ-ċirkostanzi kollha madwar it-trasferiment tad-data u abbażi ta’ dik il-valutazzjoni pprovda salvagwardji xierqa fir-rigward tal-protezzjoni tad-data personali. Il-kontrollur għandu jinforma lill-awtorità superviżorja bit-trasferiment. Il-kontrollur għandu, barra milli jipprovdi l-informazzjoni msemmija fl-Artikolu 13 u 14, jinforma lis-suġġett tad-data dwar it-trasferiment u dwar l-interessi leġittimi konvinċenti segwiti.

(k) ifassal linji gwida għall-awtoritajiet superviżorji dwar l-applikazzjoni tal-miżuri msemmija fl-Artikolu 58(1), (2) u (3) u l-istabbiliment ta’ multi amministrattivi skont l-Artikolu 83;

Artikolu 58 RĠPD (GDPR). Setgħat

1. Kull awtorità superviżorja għandu jkollha s-setgħat kollha investigattivi li ġejjin:

2. Kull awtorità superviżorja għandu jkollha s-setgħat kollha korrettivi li ġejjin:

3. Kull awtorità superviżorja għandu jkollha s-setgħat kollha konsultattivi u ta’ awtorizzazzjoni li ġejjin:

Artikolu 83 RĠPD (GDPR). Kondizzjonijiet ġenerali biex jiġu imposti multi amministrattivi

(l) jirrieżamina l-applikazzjoni prattika tal-linji gwida, ir-rakkomandazzjonijiet u l-aħjar prattiki msemmija fil-punti (e) u (f);

(m) joħroġ linji gwida, rakkomandazzjonijiet u l-aħjar prattiki f’konformità mal-punt (e) ta’ dan il-paragrafu għall-istabbiliment ta’ proċeduri komuni għar-rappurtar minn persuni fiżiċi ta’ ksur ta’ dan ir-Regolament skont l-Artikolu 54(2);

Artikolu 54 RĠPD (GDPR). Regoli dwar l-istabbiliment tal-awtorità superviżorja

[…]

2. Il-membru jew il-membri u l-persunal ta’ kull awtorità superviżorja għandhom, f’konformità mal-liġi tal-Unjoni jew ta’ Stat Membru, ikunu soġġetti għal dmir ta’ segretezza professjonali kemm matul kif ukoll wara l-mandat tagħhom, fir-rigward ta’ kwalunkwe informazzjoni kunfidenzjali li jkunu saru jafu biha matul it-twettiq tal-kompiti tagħhom jew l-eżerċizzju tas-setgħat tagħhom. Matul il-mandat tagħhom, dak id-dmir ta’ segretezza professjonali għandu japplika b’mod partikolari għar-rappurtar minn persuni fiżiċi ta’ ksur ta’ dan ir-Regolament.

(n) jinkoraġġixxi t-tfassil ta’ kodiċi ta’ kondotta u t-twaqqif ta’ mekkaniżmi ta’ ċertifikazzjoni għall-protezzjoni tad-data u siġilli u marki għall-protezzjoni tad-data skont l-Artikoli 40 u 42;

Artikolu 40 RĠPD (GDPR). Kodiċijiet ta' kondotta

Artikolu 42 RĠPD (GDPR). Ċertifikazzjoni

(o) iwettaq l-akkreditazzjoni ta’ korpi ta’ ċertifikazzjoni u r-rieżami perjodiku tiegħu skont l-Artikolu 43 u jżomm reġistru pubbliku ta’ korpi akkreditati skont l-Artikolu 43(6) u tal-kontrolluri jew il-proċessuri akkreditati stabbiliti f’pajjiżi terzi skont l-Artikolu 42(7);

Artikolu 43 RĠPD (GDPR). Korpi ta' ċertifikazzjoni

[…]

6. Ir-rekwiżiti msemmija fil-paragrafu 3 ta’ dan l-Artikolu u l-kriterji msemmija fl-Artikolu 42(5) għandhom jiġu ppubblikati mill-awtorità superviżorja f’forma faċilment aċċessibbli. L-awtoritajiet superviżorji għandhom ukoll jittrażmettu dawk ir-rekwiżiti u kriterji lill-Bord. Il-Bord għandu jiġbor il-mekkaniżmi ta’ ċertifikazzjoni kollha u s-siġilli tal-protezzjoni tad-data kollha f’reġistru u għandu jagħmilhom disponibbli għall-pubbliku bi kwalunkwe mezz xieraq.

[…]

Artikolu 42 RĠPD (GDPR). Ċertifikazzjoni

[…]

7. Iċ-ċertifikazzjoni għandha tinħareġ lil kontrollur jew proċessur għal perijodu massimu ta’ tliet snin u tista’ tiġġedded, skont l-istess kondizzjonijiet, sakemm jibqgħu jiġu sodisfatti r-rekwiżiti rilevanti. Iċ-ċertifikazzjoni għandha tiġi rtirata, fejn applikabbli, mill-korpi ta’ ċertifikazzjoni msemmija fl-Artikolu 43, jew mill-awtorità superviżorja kompetenti fejn ma jiġux sodisfatti jew ma jibqgħux jiġu sodisfatti r-rekwiżiti għaċ-ċertifikazzjoni.

[…]

(p) jispeċifika r-rekwiżiti msemmija fl-Artikolu 43(3) bil-ħsieb tal-akkreditazzjoni ta’ korpi ta’ ċertifikazzjoni taħt l-Artikolu 42;

Artikolu 43 RĠPD (GDPR). Korpi ta' ċertifikazzjoni

[…]

3. L-akkreditazzjoni tal-korpi ta’ ċertifikazzjoni kif imsemmija fil-paragrafi 1 u 2 ta’ dan l-Artikolu għandhom jitwettqu abbażi ta’ kriterji approvati mill-awtorità superviżorja li hija kompetenti skont l-Artikolu 55 jew 56 jew, mill-Bord, skont l-Artikolu 63. Fil-każ ta’ akkreditazzjoni skont il-punt (b) tal-paragrafu 1 ta’ dan l-Artikolu, dawk ir-rekwiżiti għandhom jikkomplementaw dawk previsti fir-Regolament (KE) Nru 765/2008 u r-regoli tekniċi li jiddeskrivu l-metodi u l-proċeduri tal-korpi ta’ ċertifikazzjoni.

[…]

Artikolu 42 RĠPD (GDPR). Ċertifikazzjoni

(q) jipprovdi lill-Kummissjoni b’opinjoni dwar ir-rekwiżiti ta’ ċertifikazzjoni msemmija fl-Artikolu 43(8);

Artikolu 43 RĠPD (GDPR). Korpi ta' ċertifikazzjoni

[…]

8. Il-Kummissjoni hija mogħtija s-setgħa li tadotta atti delegati f’konformità mal-Artikolu 92, għall-fini li tispeċifika r-rekwiżiti li għandu jittieħed kont tagħhom għall-mekkaniżmi ta’ ċertifikazzjoni tal-protezzjoni tad-data msemmija fl-Artikolu 42(1).

[…]

(r) jipprovdi lill-Kummissjoni b’opinjoni dwar l-ikoni msemmija fl-Artikolu 12(7);

Artikolu 12 RĠPD (GDPR). Informazzjoni, komunikazzjoni u modalitajiet trasparenti għall-eżerċizzju tad-drittijiet tas-suġġett tad-data

[…]

7. L-informazzjoni li għandha tiġi pprovduta lis-suġġetti tad-data skont l-Artikolu 13 u 14 tista’ tingħata flimkien ma’ ikoni standardizzati sabiex tingħata ħarsa ġenerali lejn l-ipproċessar intenzjonat b’mod li jidher faċilment, li jinftiehem u li jinqara sew. Fejn l-ikoni jkunu ppreżentati b’mod elettroniku, dawn għandhom ikunu jistgħu jinqraw minn magna.

[…]

(s) jipprovdi lill-Kummissjoni b’opinjoni biex tiġi valutata l-adegwatezza tal-livell ta’ protezzjoni f’pajjiż terz jew organizzazzjoni internazzjonali, inkluż għall-valutazzjoni jekk pajjiż terz jew territorju jew settur speċifikat wieħed jew aktar f’dak il-pajjiż terz, jew organizzazzjoni internazzjonali ikunux għadhom jiżguraw livell ta’ protezzjoni adegwat. Għal dak l-għan, il-Kummissjoni għandha tipprovdi lill-Bord d-dokumentazzjoni meħtieġa kollha, inkluża korrispondenza mal-gvern tal-pajjiż terz, fir-rigward ta’ dak il-pajjiż terz, territorju jew settur speċifikat, jew mal-organizzazzjoni internazzjonali.

(t) joħroġ opinjonijiet dwar abbozzi ta’ deċiżjonijiet ta’ awtoritajiet superviżorji skont il-mekkaniżmu ta’ konsistenza msemmi fl-Artikolu 64(1), dwar kwistjonijiet sottomessi skont l-Artikolu 64(2) u joħroġ deċiżjonijiet vinkolanti skont l-Artikolu 65, inklużi dawk fil-każijiet imsemmija fl-Artikolu 66;

Artikolu 64 RĠPD (GDPR). Opinjoni tal-Bord

1. Il-Bord għandu joħroġ opinjoni fejn awtorità superviżorja kompetenti tkun biħsiebha tadotta kwalunkwe waħda mill-miżuri hawn taħt. Għal dak il-għan, l-awtorità superviżorja kompetenti għandha tikkomunika l-abbozz ta’ deċiżjoni lill-Bord, meta hija:

(a) ikollha l-għan li tadotta lista tal-operazzjonijiet ta’ pproċessar soġġetta għar-rekwiżit għal valutazzjoni tal-impatt tal-protezzjoni tad-data skont l-Artikolu 35(4);

(b) tikkonċerna suġġett skont l-Artikolu 40(7) jekk abbozz ta’ kodiċi ta’ kondotta jew emenda jew estensjoni ta’ kodiċi ta’ kondotta jkunux konformit ma’ dan ir-Regolament;

(c) ikollha l-għan li tapprova l-kriterji għall-akkreditazzjoni ta’ korp skont l-Artikolu 41(3) jew korp ta’ ċertifikazzjoni skont l-Artikolu 43(3);

(e) ikollha l-għan li tawtorizza l-klawżoli kuntrattwali msemmija fil-punt (a) tal-Artikolu 46(3); jew

(f) ikollha l-għan li tapprova regoli korporattivi vinkolanti fis-sens tal-Artikolu 47.

2. Kwalunkwe awtorità superviżorja, il-President tal-Bord jew il-Kummissjoni tista’ titlob li kwalunkwe kwistjoni ta’ applikazzjoni ġenerali jew li jkollha effetti f’aktar minn Stat Membru wieħed tiġi eżaminata mill-Bord bil-ħsieb li tinkiseb opinjoni, b’mod partikolari fejn awtorità superviżorja kompetenti ma tkunx f’konformità mal-obbligi ta’ assistenza reċiproka f’konformità mal-Artikolu 61 jew għal operazzjonijiet konġunti f’konformità mal-Artikolu 62.

[…]

Artikolu 65 RĠPD (GDPR). Soluzzjoni għat-tilwim mill-Bord

Artikolu 66 RĠPD (GDPR). Proċedura ta' urġenza

(u) jippromwovi l-kooperazzjoni u l-iskambju bilaterali u multilaterali effettiv ta’ informazzjoni u l-aħjar prattiki bejn l-awtoritajiet superviżorji;

(v) jippromwovi programmi ta’ taħriġ komuni u jiffaċilita l-iskambji ta’ persunal bejn l-awtoritajiet superviżorji u, fejn xieraq, mal-awtoritajiet superviżorji ta’ pajjiżi terzi jew mal-organizzazzjonijiet internazzjonali;

(w) jippromwovi l-iskambju ta’ għarfien u dokumentazzjoni dwar il-leġiżlazzjoni u l-prattika dwar il-protezzjoni tad-data ma’ awtoritajiet superviżorji tal-protezzjoni tad-data fid-dinja kollha.

(x) joħroġ opinjonijiet dwar il-kodiċijiet ta’ kondotta mfassla fil-livell tal-Unjoni skont l-Artikolu 40(9); u

Artikolu 40 RĠPD (GDPR). Kodiċijiet ta' kondotta

9. Il-Kummissjoni tista’, permezz ta’ atti ta’ implimentazzjoni, tiddeċiedi li l-kodiċijiet ta’ kondotta, l-emendi jew l-estensjonijiet approvati ppreżentati lilha skont il-paragrafu 8 ta’ dan l-Artikolu għandhom validità ġenerali fi ħdan l-Unjoni. Dawk l-atti ta’ implimentazzjoni għandhom jiġu adottati skont il-proċedura ta’ eżami stabbilita fl-Artikolu 93(2).

[…]

(y) iżomm reġistru elettroniku aċċessibbli għall-pubbliku ta’ deċiżjonijiet meħuda minn awtoritajiet superviżorji u qrati dwar kwistjonijiet ttrattati fil-mekkaniżmu ta’ konsistenza.

2. Fejn il-Kummissjoni titlob parir mill-Bord, hija tista’ tindika limitu ta’ żmien, filwaqt li tieħu kont tal-urġenza tal-kwistjoni.

3. Il-Bord għandu jibgħat l-opinjonijiet, il-linji gwida, ir-rakkomandazzjonijiet, u l-aħjar prattiki tiegħu lill-Kummissjoni u lill-kumitat imsemmi fl-Artikolu 93 u jagħmilhom pubbliċi.

Artikolu 93 RĠPD (GDPR). Proċedura ta' kumitat

1. Il-Kummissjoni għandha tkun assistita minn kumitat. Dak il-kumitat għandu jkun kumitat fis-sens tar-Regolament (UE) Nru 182/2011.

2. Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

3. Fejn issir referenza għal dan il-paragrafu, għandu japplika l-Artikolu 8 tar-Regolament (UE) Nru 182/2011, flimkien mal-Artikolu 5 tiegħu.

4. Il-Bord għandu, fejn xieraq, jikkonsulta l-partijiet interessati u jagħtihom l-opportunità li jikkummentaw f’perijodu ta’ żmien raġonevoli. Il-Bord għandu, mingħajr preġudizzju għall-Artikolu 76, jagħmel disponibbli għall-pubbliku r-riżultati tal-proċedura ta’ konsultazzjoni.

Artikolu 76 RĠPD (GDPR). Kunfidenzjalità

1. Id-diskussjonijiet tal-Bord għandhom ikunu kunfidenzjali fejn il-Bord iqis li dan ikun meħtieġ, kif previst fir-regoli ta’ proċedura tiegħu.

2. L-aċċess għal dokumenti sottomessi lill-membri tal-Bord, lill-esperti u lir-rappreżentanti ta’ pajjiżi terzi għandu jkun regolat mir-Regolament (KE) Nru 1049/2001 tal-Parlament Ewropew u tal-Kunsill (21).

Regolament Ġenerali dwar il-Protezzjoni tad-Data (RĠPD, GDPR)

[js-disqus]

Artikolu 69. Indipendenza

Artikolu 71. Rapporti

*

(EN) Url-link to highlighted text was copied to the clipboard!

(EN) Preparing download...